Nahug sa hotel, patay BUKTON sa usa ka Koreano naibot ug nasangit sa paril ubos sa giabangan nga hotel dihang siya natagak gikan sa ikaunom nga andana samtang hubog. Ang Koreano ug ang iyang hinigugmang Korean usab namakasyon ug namuyo sa hotel sa barangay Basak, dakbayan sa Lapu-Lapu. Giila ni SP02 Rolito Jumao-as, sa Homicide Section sa Lapu-Lapu City Police Office ang biktima nga si Park Sungsu, 27, taga South Korea. Base sa pasiunang imbestigasyon sa Homicide section, namatikdan na lang sa hinigugma ni Park nga si Yang You Sun, 25, Korean national, nga nianang pagka-alas 5:45 kagahapon sa kaadlawon nga wa na sa iyang higdaanan ang biktima.[istorya sa balita]
Pamilyang gimasaker sa NPA giugkat na USA ka pamilyahan nga gi-massacre sa mga rebeldng New People’s Army (NPA) niadtong dekada 80 gikawot ug nakuha sa kapulisan ug military ang ilang mga bukog didto sa bukirang barangay sa Balamban, Sugbo kagahapon. Gikatahong sila mga sakop sa rebelde apan gusto nang mogawas ug nasuko ang NPA regulars tungod kay di naman mohatag nilag kuwarta ilabi na kay wa mosugot nga ibaligya ang ilang binuhing baboy. Tungod sa pagbalik na sa pagsalig sa katawhan ngadto sa kapulisan ug military, sila na mismo maoy ni-report ngadto sa kapulisan ug military labot sa dapit diin gilubong ang mga tawo nga gipamatay sa mga rebelde niadtong dekada 80.[istorya sa balita]
Kaso sa chop-chop
WA moangkon nga sad-an ang tulo ka mga akusado sa pagpatay ug pagtagodtagod sa usa ka nursing graduate ug sa ig-agaw niini didto sa siyudad sa Talisay niadtong milabayng buwan. Silang Richard Gudelosao, Joseph Roy Cellar ug Jean Antonette Medalle wa moangkon nga silay nagpatay sa mag-agaw nga Eva Mae Peligro ug Gwendolyn Balasta niadtong Hulyo 24 dihang gibasahan sila sa impormasyon sa kaso sa sala ni Regional Trial Court (RTC) Judge Generosa Labra kagahapon sa buntag.[istorya sa balita]
Opinyon
Editoryal: Scripted? WAY nakuhang pusil gikan sa balay ni Joavan Fernandez, sinagop ni Mayor Soc Fernandez, dihang gironda sa kapulisan ang iyang anak. Ngano kaha?
Ang raid gihimo human moangkon si Joavan nga duna siyay armas nga iyang gigamit sa pagpanalipod sa iyang kaugalingon. Wa giklaro kon duna ba kiniy mga lisensya o lisensyado ba siya nga magdala-dala niini. Dali ra sab kaayong gibawi ang pamahayag kay kuno duwaan ang armas. Replica ra diay to.[tibuok nga estorya]
Kalingawan
Tambagi ko Noy Kulas: Mood sa gipanguyaban
Maayong adlaw kanimo Noy. I’m one of your avid readers nga kanunay nagsunod sa imung column. Tawga lang ko og Mr. Confuse.I’m still studying sa usa sa mga most popular university in this city. Kining akong problema, Noy, is all about sa girl nga akong gipanguyaban. At first, Noy, okay kaayo siya og tinagdan nako everytime magkita mi or magkasugat, nindot siya og tinagdan nako. But, later on medyo nagbag-o na man siya nako, Noy. [tibuok nga estorya]
Sports
Adlaw sa panudya HUMAN sa binayloay og mga mahait nga pulong, sinukliay sa kumo mao na ang masaksihan karong gabii sa dihang depensaan sa duha ka inilang Ala Boys ang ilang tagsatagsa ka mga korona diha sa Waterfront Hotel-Lahug, dakbayan sa Sugbo. Giulohan og Nights of Champions, ang knockout artist nga si Rey “BoomBoom” Bautista modepensa sa iyang WBO Intercontinental title batok sa mapangahason nga Mexicanong si Eden Marquez sa gikatakdang 12 ka hugna nga sinukmagay ibabaw sa ring.
Bisan tuod og ania sa tugkaran ni Bautista, si Marquez way panagana sa pagpabuhagay nga iyang ma-knockout ang lumad nga taga Candijay, Bohol kinsa sukad sa iyang 1st round nga kapildihan sa niaging tuig, mikutlo na usab og tulo ka sunodsunod nga kadaugan.
[tibuok nga estorya]
